Reportere SVT Saepmie, sæjjasadtje-barkoe

Sïjhth barkoem utnedh gusnie saemieh jïh Saepmie jarngesne, gusnie nöörh fïerhten biejjien dovne saemiestidh jïh saemiengïelesne tjaeledh. Dellie maa daate barkoe maaje dutnjien!

SVT Saepmesne 15 barkijh. Mijjen stoerre dajve vaaksjodh Sveerjesne jïh vaaksjobe aaj aalkoealmetji-aamhtesh abpe veartanisnie. Mijjen biejjieladtje barkoe lea saernieh darjodh dovne onlinesne jïh tv-saadtegidie. Mijjieh NRK- jïh YLE Saepmien ektine barkebe jïh aaj lïhke ektiebarkoem Sveerjen Raadijovinie, Saemieraadijove.

Daelie reporterem ohtsebe mij maahta guvviedidh jïh redigeradidh, jïh maahta guvviegujmie bïhkedidh dovne åenehks jïh guhkebe formatesne. Datne lea eadtjohke jïh ïedtjh åtnah dam saemien redaksjovnen faaleldahkh evtiedidh gusnie saemien vuartasjæjjah jarngesne. Daate sæjjasadtje barkoe lea, juktie daan barkoen barkije edtja maanadovvedh.

Barkoen bïjre

Datne edtja uvtemes reporterinie barkedh, saemien saernie-programmesne, Ođđasat jïh mijjen gaskeviermie sæjrosne, mohte aaj sosijaale meedijinie barkedh. Datne edtjh maehtedh reportaasjh åssjaldahkeste jïh riejries reportaasjem buektedh, menh edtjh maehtedh reporterinie, guvviedæjjine barkedh jallh redigerinie dellie goh dïhte daerpies. Tjoerh maehtedh guvviedidh dovne stille-guvvieh jïh filmedh, jïh aaj redigeradidh. Datne edtjh maehtedh dovne stuerebe kamerinie jïh mobijline guvviedidh.

Barkosne daerpies aaj online- vierhtiejgujmie barkedh jïh daam maahtoem vierhtiedibie. Jeatjah laavenjassh maahta aaj barkose bïejesovvedh. Maahta naemhtie sjïdtedh tjoerh saemien programmigujmie aaj barkedh jallh mejnie jeatjah mijjen platformesne. Vierhtiedibie maahtah guhkebe barkoeh aaj guvviedidh jïh redigeradidh. Daennie barkosne tjoerh aaj fealadidh, dovne guhkebe jïh åenebe fealadimmieh, dan åvteste mijjen stoerre dajve vaaksjodh.

Dov våarome

Dïhte guhte barkoem åådtje tjuara saemiengïelem maehtedh, dovne njaalmeldh jïh tjaaleldh. Daajroem saemien seabradahken bïjre, dan histovrijem jïh kultuvrem aaj. Lissine utnebe nuhteligs seabrahkedaajrojne jïh leah eadtjohkes. Hijven hov jis datne aerebe journalistihkine barkeme vg. tjaaleme, guvviedamme jïh redigeradamme. Datne edtjh eadtjohkeslaakan barkedh dovne saerniegujmie jïh gïengielåbpoe journalistihkine. Datne ïedtjeles, fleksijbeles, jïh maahtah nuepide vuejnedh dej joekehth tsiehkine.

SVT Saepmie pryövoe dejtie programmide båetije beajjan evtiedidh, jïh daesnie datne vihkeles sjïdth. Barkosne barkoegoere, guktie maahta barkoe iehkedi jïh hïeljide aaj sjïdtedh.

Daerpies hov vuejeme-kåarhtem utnedh.

Daate lea sæjjasadtjebarkoe.

Jïjtjehke redaksjovne lea Gironisnie, menh reporteerh utnebe dovne Luleåsne jïh Stuehkesne. Mijjieh utnebe hijven jis reporteerh gaajhken lehkesne utnebe, dan gaavhtan maehtieh gaajhkesh dovnesh dam barkoem ohtsedh. Latjkebe barkoesijjien bïjre.

Jis sïjhth vielie dan barkoen bïjre govledh, bïeljelh dle redaksjovneåejviem Linda Hermansson SVT Saepmesne, 070 2545400. Gyhtjelassh fackese, bïeljelh dle Anna- Karin Niiam SJF:ste jïh Maria Fornemo, 08-784 00 00 (vxl) Unijovneste.

Buerie båeteme ohtseminie åvtelen gålkoen 15-n biejjien. Aalkoe tsïengelen/ orre jaepien asken 1 biejjien.