Lulu gus dån sihtat adnet bargov gånnå sáme ja Sábme la guovdon, ja gånnå dån besa adnet sámegielav juohkka biejve. De la dat dunji barggo!

SVT Sámen la 15 barggoguojme. Miján la stuor bärrájgåhtsemguovllo Svierigin ja mij aj bärrájgåhtsep ietjá iemeálmmukgatjálvisájt väráldin. Mij dahkap ådåsijt bäjválattjat degu dal värmádagán ja tv-sáddagijn. Mij barggap aktisattjat NRK:ajn- ja YLE Sámijn, ja aj Svieriga Radiojn Sámeradiojn.

Mij åhtsåp dal reporterav gåvvå/aktijbiedjammáhtojn ja manna la buorre máhtto giehttot gåvåj degu dal oanep ja guhkep rájdoj. Dujna la ietjanat buossjudak ja sidá årrot oasen åvddånahttet sáme prográmma åssudagá fálaldagáv ja mielajn adnet gähttjijt guovdon. Barggo la sadjásattjan barggoguojmmáj gut galggá adnet äjgátloabev.

Barggodoajmma

Dån boadá vuostatjin barggat reporterin sáme ådåsprográmmaj, Ådåsa ja mijá webbabielijn, ja aj sosiálamedijáj. Dån iesj galga dahkat prográmmaåsijt gitta huomáhimes válmas oassáj, valla aj máhttet barggat reporterin, gåvvididdjen jali aktijbiedjamijn, jur bäjválasj mieres ådåsdáses ja organvisjåvnå dárbos. Bargon gájbbeduvá máhttet gåvvit ájddá- ja viesso gåvåjt ja aj aktijbiedjamav. Dån boadá barggat juogu dal stuor gåvvårijn ja aj dahkat MOJO- bargojt (mobijlajn). Doajmma aj sisadná barggat värmádagán ja mij aj biedjap árvov digitála máhttuj. Doajmma aj máhttá sisadnet bargojt sáme prográmmadåjmajn ja aj ietjá roallaj mijá åssudagájn. Mij biedjap árvov gåvvå ja aktijbiedjam máhttuj guhkep åsijda. Barggo sisadná mannulagájt, juogu dal oanep ja guhkep, dan diehti gå miján la stuor guovllo gåbtjåt.

Duv duogásj

Dån máhtá sáme juogu dal hållamijn ja tjállagijn, aná buorev máhtov sáme sebrudagás, dan histårjås ja kultuvras. Mij doajvvop dujna la buorre almulasj máhtto ja stuor sebrudakberustibme. Mij biedjap árvov jus dujna l máhtto åvdutjis barggat journalistihkajn degu dal, tjállet tevstajt, gåvvit ja aktijbiedjamij. Dån galga årrot mielos barggat juogu dal hähkka ådåsij ja tjiegŋalup journalistijkajn. Dån iesj bierggi, hága ja dujna l tjoavdosmáhtto.

SVT Sábme aŋát ålles ájge åvddånahttet mijá prográmmajt alep dássáj, danna dån sjatta ájnas oasse. Barggo la ájggemierredum mij sisadná at dån barga iehkedijt ja vahkolåhpajt.

Vuodjemkårtå la gájbbádus.

Barggo la sadjásasjbarggo.

Oajvvedåjmadus la Gironin valla miján li aj ådåsdåjmadiddje Julevun ja Stockholman. Vuogas midjij aj jus mijá ådåsdåjmadiddje duoppen dáppen årru danen máhtá aj dån gut åro ietjá sajen lándan dáv virgev åhtsåt. Barggobájkke sjiehtadusá milta.

Jus sidá ienebut diehtet válde aktijvuodav doajmme redaksjåvnnååvijn Linda Hermansson SVT Sápmi, 070 254 54 00. Jus li fáhkasiebrre gatjálvisá de dajt vásstedibá Anna-Karin Niia 070-567 89 37 SJF åvdås ja Maria Fornemo, 08-784 00 00 (vxl) Unionen åvdås.

Buorisboahtem åhtsåt åvddål basádismáno 15. biejve 2020. Álgá ådåjakmáno 1. biejve 2021.